" ከተሜው " እና " ኦሮ - ማራ " አሓዳዊ ጨፍላቂ ኃይሎች ልዩነታቸው እና አንድነታቸው፣ ኤርሚያስ ለገሠ እና ሀብታሙ አያሌው እንደ ማሳያ

==========================================

ታሪኩ ተዘራ 08-31-21

እስካሁን በድፍኑ ነበር አሓዳዊ ጨፍላቂ ኃይሎችን የምመለከታቸው፣ " ኦሮ - ማራ " ጨፍላቂ ኃይሎች በማለት፤ ሆኖም ግን ኤርምያስ ለገሠ እና ሀብታሙ አያሌው አስር ወር ( የትግራይ ጦርነት ከተነሳ አንስቶ ) ያላቸውን " ትልቅ " የፖለቲካ አስተሳሰብ ልዩነት በደምብ በማጥናት፣ " ከተሜው / አዲስ አበቤው " እና " ኦሮ - ማራ " አሓዳዊ ጨፍላቂ ኃይሎች አንድ እንዳልሆኑ ተመልክቻለሁ። ሕብረ - ብሔራውያን ፌደራሊስት ኃይሎች ለሚያደርጉት ትግል ይጠቅም እንደሆነ ይህችን አጠር ያለች ጽሑፍ ማካፈል ፈለግኩ።

Graphical user interface

Description automatically generated

" ከተሜው " ( " አዲስ አበቤው " ድሬዳዋ፣ ሀዋሳ፣ ወዘተ ) አሓዳዊ ጨፍላቂ ኃይሎች [ ለምሳሌ ኤርሚያስ ለገሠ ] " ኦሮ - ማራ " አሓዳዊ ጨፍላቂ ኃይሎች ፍላጎት የተለየ ነው፤ ሕብረብሔራዊው ፌደራሊስት ኃይሎች በብዙ ነገራቸው የቀረቡ ናቸው፤ " መሠረታቸው " [ አያት ቅድመ አያታቸው ] ሕብረ ብሔራዊ ፌደራሊስት ኃይሎች ስለሆኑ።

" ከተሜው / አዲስ አበቤው " አሓዳዊ ጨፍላቂ ኃይሎች ሕብረ - ብሔራዊው ፌደራሊዝም የሚቃወሙት በዋነኝነት ከአማርኛ ውጭ የሚያውቁት ቋንቋ ስለሌላቸው [ በኢትዮጵያ ከሚነገሩት ቋንቋዎች ማለቴ ነው ]( አማራ ግን አይደሉም !) ስለሆነም " አፍ መፍቻ ቋንቋቸው " ሊተዳደሩ ስለሚፈልጉ፣ እና በሚኖሩበት ከተማ በግዝያዊነት ሳይሆን፣ " የከተማው ባለቤት " መሆን ስለሚፈልጉ ብቻ ነው። ሁሉም ኢትዮጵያዊ በነሱ ቦታ ሆኖ ቢመለከተው፣ ትክክል ናቸውም ደግሞ። አዲስ አበባ ተወልደህ አድገህ " በሕግ / ሕገመንግሥት " " የአዲስ አበባ ባለቤት አይደለህም !" ስትባል ያበሳጫል፤ ቆሽትን ያስርራል፤ ሕገ - መንግሥቱን ለመቅደድ ያነሳሳል።

" ኦሮ - ማራ " ጨፍላቂ ኃይል ግን ( ለምሳሌ ሀብታሙ አያሌው ) ኢትዮጵያ "- ማራ " ወይም " ኦሮ -" ማድረግ ነው የሚፈልጉት፣ ስለሆነም " ከተሜው / አዲስ አበቤው " አሓዳዊ ጨፍላቂ ኃይሎች ብዙም አይግባቡም። የ " ከተሜው / አዲስ አበቤው " አሓዳዊ ጨፍላቂ ኃይል በትንሹ የሚግባባው " ኦሮ - ማራ " ሳይሆን " ኦሮ - ማራ " አንደኛው ክንፍ፣ ማለትም "- ማራ " ( አብን መራሹ ) አሓዳዊ ጨፍላቂ ኃይል ነው፤ ከሱ ጋርም የሚስማሙት በቋንቋ ብቻ ነው ! አማርኛ ብቸኛ የአገሪቱ የፌደራል የስራ ቋንቋ ሆኖ እንዲቀጥል ይፈልጋሉ። ከዚህ በተረፈ " ከተሜው / አዲስ አበቤው " አሓዳዊ ጨፍላቂ ኃይል፣ "- ማራ "/" አብን " ጨፍላቂ ኃይል ብዙም አይስማሙም። አማርኛ ቋንቋ ብቸኛ የአገሪቱ የፌደራል የስራ ቋንቋ ሆኖ እንዲቀጥል ከሚፈልግ ውጪ፣ " ከተሜው / አዲስ አበቤው " ሕብረ - ብሔራዊ ኃይል [ ለምሳሌ የድሮው ኢሕአዴግ ዓይነት ] " አብን " የተሻለ ኃይል እንደሆነ ይገነዘባሉ።

ለዚህ ነው አሁን "- ማራ "/" አብኑ " ሀብታሙ አያሌው እና " ከተሜው / አዲስ አበቤው " ኤርሚያስ ለገሠ ያለው የፖለቲካ ልዩነት በዚህ አስር ወር ግልጥልጥ እያለ እየወጣ ያለው።

" ከተሜው / አዲስ አበቤው " ኤርሚያስ ለገሠ የጦርነት አስከፊነት በደምብ ይገነዘባል፣ ጦሩነቱ ሕብረ - ብሔራዊው ኃይል ብያሸንፍ፣ ወይም ደግሞ " ኦሮ - ማራ "/ “ ፒፒ” አሓዳዊ ጨፍላቂ ኃይል ብያሸንፍ፣ " አዲስ አበቤው / ከተሜው " አሓዳዊ ጨፍላቂ ኃይል ብዙም ለውጥ እንደሌለው ጠንቅቆ ይገነዘባል፤ እንዲያውም " ኦሮ - ማራ " አሓዳዊው ጨፍላቂ ኃይል ከተሳካለት እና " ኦሮ - ማራ " ደግሞ " ኦሮ -" ከገነገነ ትልቅ ኪሳራ እንደሚገጥመው ጠንቅቆ ይገነዘባል፤ አማርኛ ቋንቋ ስለሚዳከም እና የአዲስ አበባ ባለቤትነት ሕልሙን እንደማይሳካለት ስለሚገነዘብ።

ስለሆነም " ከተሜው / አዲስ አበቤው " ኤርሚያስ ለገሠ ሁሉም የጦርነት ተፋላሚዎች እኩል ይኮንናል፤ የድሮውን ኢሕአደግ " ኦሮ - ማራ " አሓዳዊ ጨፍላቂ ኃይል የተሻለ እንደሆነ በደምብ ይገነዘባል፤ የድሮ ኢሕአዴግ የሚመስል ፌደራሊስት ኃይል ብያገኝ አብሮ ከመስራት ውጪ ሌላ አማራጭ እንደሌለው ይገነዘባል። ባጭሩ፣ " ከተሜው / አዲስ አበቤው " " ኦሮ - ማራ " አሓዳዊው ጨፍላቂ ኃይል የሶስት ዓመት የቁልቁለት ጉዞ ተስፋ ቆርጦአል፤ ፒፒ” / " ኦሮማራ " አሓዳዊ ጨፍላቂ ኃይል በሥልጣን እንዲቀጥል አይፈልግም።

በተቃራኒው ደግሞ፣ የ "- ማራ "/" አብኑ " [ ለምሳሌ የሀብታሙ አያሌው ] አሓዳዊ ጨፍላቂ ኃይል፣ ፒፒ”/ " ኦሮ - ማራ " እንዲፈርስ ሳይሆን የሚፈልገው፣ "- ማራ " የሚዘውረው ፒፒ”/ " ኦሮ - ማራ " እንዲሆን ነው ፍላጎቱ። ሆኖም ግን ይኸ ምኞት እንጂ የአሁኑ ጦርነት እንደ ዕድል እንኳ ፒፒ”/ " ኦሮ - ማራ " ቢያሸንፍ ( ይኸ የመሆን ዕድሉ ወደ ዜሮ የተጠጋ ነው ) "- ማራ "/" አብን " አሓዳዊ ጨፍላቂ ኃይል " ቀዳማዊ / መራሽ " ኃይል የመሆን ዕድሉ ዜሮ እንደሆነ ያልገባው የደናቁርት ስብስብ ነው ይኸ አሓዳዊ ጨፍላቂ ኃይል። [ ሒሳብ በደምብ የሚገነዘበው አዲስ አበቤው” አሓዳዊው ጨፍላቂው ኤርሚያስ ለገሠ ( የሒሳብ መምህር ነበርኩ ሲል የሰማሁት መሰለኝ ) ይኸንን የሁለት ወደ ዜሮ የተጠጉ ቢሆኖች” ( probability ) ውጤቱ ያው ወደ ዜሮ በእጁ የተጠጋ እንደሆነ ጠንቅቆ ይገነዘባል፤ ሀብታሙ አያሌው እና መሰሎቹ ግን ይኸንን የሚገነዘቡ አይመስሉም። ] ስለሆነም፣ "- ማራ "/" አብኑ " አሓዳዊ ጨፍላቂ ኃይል፣ ጦርነት እንዲቆም ሳይሆን ቀን እና ሌሊት የሚወተውተው፣ አንድ ፍሬ ጥይት እና አንድ ወታደር እስኪቀረው DC/ ዲሲ ተቀምጦ ዕድሉን ለመሞከር ጦርነቱ ያጋግላል፤ ውጤቱ ወደ ዜሮ ለተጠጋ ጦርነት ሕዝብን ያስፈጃል። ከዚህ ዓይነት ድንቁርና ይሰውራችሁ ነው የሚባለው።

ለማጠቃለል፣ " ከተሜው / አዲስ አበቤው " አሓዳዊ ጨፍላቂ ኃይል ለሕብረ - ብሔራዊው ፌደራሊስት ኃይል የቀረበ ነው፤ ስለሆነም፣ " ሓቀኛ " ፌደራሊስት ኃይሎች " ከተሜው / አዲስ አበቤው " አሓዳዊ ጨፍላቂ ኃይል ሊወክል የሚችል " ለዘብተኛ ( ጨፍላቂ ያልሆነ ) አሓዳዊ ኃይል " በውስጣችሁ እንዲኖር ብትሰሩ ይመከራል፤ ለምሳሌ " ኅብር " ይኸንን ካላደረጋችሁ ግን፣ " ከተሜው " ሆድ እና ጀርባ መሆናችሁ ይቀጥላል፤ ስለሆነም፣ በጦር ሜዳ የምታገኙትን ድላችሁ ዘላቂነት ላይኖረው ይችላል።

Full Website